هجمة التصلب المتعدد
- Dr Abdelrahman Mohamed
- Sep 12, 2025
- 3 min read
Updated: Dec 9, 2025
ماهي هجمة التصلب المتعدد ؟ معظم مرضى التصلب المتعدد MS بيكونوا من نوع او مرحلة الms الانتكاسي المتكرر RRMS (٨٥% من المرضى فالنوع دا)
ودا بيتميز بوجود هجمات بتحصل او نشاط للمرض يعقبه فترات هدوء
ف مهم نعرف ايه هيا الهجمة
-عشان لو حصلت نتعامل معاها
- و عشان لو حد سليم حصلتله الاعراض بالوصف دا يلحق يتشخص لو كان في بداية ال ms او اللي بنسميه المتلازمة المعزول اكلينكيا CIS ..
- إيه هي الهجمة ؟
الهجمة هي اعراض عصبية جديدة بتحصل للمريض بتستمر عالاقل فترة ٢٤ ساعة
في غياب اي سبب اخر زي العدوى وارتفاع الحرارة
يعني لو حصلت اعراض بعد نزلة برد او سخونية مش بتبقى هجمة ..
لو حصلت اعراض عصبية متقطعة (بتروح وتيجي) ،او بتزيد ف ظروف معينة زي الضغط العصبي او الارهاق (بتبقى هجمة كاذبة )
٧٥%من الهجمات بتبقى ليها اعراض واحدة مش كذا عرض مع بعض
ايه هي اشهر اعراض الهجمات ؟
عدم الاتزان ,تقل في الحركة ف احد الجانبين ،التنميل في احد الجانبين
ضبابية الرؤية،مشكلة في التحكم في البول
بعض الهجمات ممكن تكون هجمات فشكل ارهاق شديد او مشاكل ادراكية او معرفية حادة (يعني لخبطة فالافكار او التركيز )
مش شرط لو حصلت هجمة . تكون في بؤر جديدة فالمخ او النخاع
ومش شرط لو عملنا رنين بالصبغة وقت الهجمة تبان بؤر نشطة (الرنين بالصبغة بنستخدمه لتحديد لو كان في بؤر نشطة)
الهجمة لو حصلت باعراض معينة في احتمال ٧٠% انها ممكن تتكرر بنفس الاعراض تاني
طب ايه علاج الهجمات ؟
علاج الهجمات زي ما عارفين هو الكورتيزون
جرعات وريد من الكورتيزون من ٣ ل ٥ ل ٧ ل ١٠ ايام حسب حدة الهجمة
في بعض الهجمات الحسية او البسيطة ممكن ناخد جرعات كزرتيزون من حقن عضل او وريد ونتابع لو الاعراض هتتحسن ولا هنحتاج جرعات سوليمدرول وريد
الكورتيزون بيقلل من التاثير الحاد فالتهاب فالاعصاب تدريجيا
ف مش شرط اعراض الهجمة تتحسن اول ما نعلق الكورتيزون ممكن تتحسن بالتدريج فخلال شهر
ف ممكن نستنى لو الاعراض بدات تتحسن ونقيم بعدها
في الهجمات القوية الغير مستجيبة لجرعات الكورتيزون . ممكن نلجأ لاجراء تاني زي فصل البلازما
طبعا عدم حدوث الهجمات لفترة طويلة دليل كويس على الاستجابة للعلاج
وبرضه حدوث هجمات كثيرة متكررة ففترات قليلة او باعراض قوية دليل على نشاط المرض وممكن نحتاج ساعتها نغير الدوا المناعي
ونخلي بالنا اثناء تعليق الكورتيزون
يكون التعليق الصبح ..
مننساش قبله دواء واقي لجدار المعدة
و مضاد للحساسية ..
والكالسيوم والبوتاسيوم اثناء اليوم لمنع حدوث اعراض جانبية من نقصهم اثناء الجرعات
قياس السكر بانتظام (خصوصا في مرضى السكر) ،قياس الضغط
ناخد الدواء على عدد ساعات اكبر
وفي شوية اعراض جانبية اخرى ممكن تحصل اثناء تعليق الكورتيزون
زي الارق ،الحبوب ،الاعراض الاكتئابية ،التغيرات في الجسم(الانتفاخ)
في حالة حدوث اي اعراض هجمة وثابتة اكتر من ٢٤ ساعة لازم نكشف فورا عشان نشوف لو احتاجنا جرعات الكورتيزون
اعراض هجمة التصلب المتعدد
هجمة التصلب اللويحي
هجمه الms
Ms flare up
كيف تكون هجمة التصلب المتعدد ؟
كم تستمر هجمة التصلب المتعدد ؟
كم تستغرق مدة هجمة التصلب المتعدد ؟
ما هي هجمات مرض التصلب المتعدد ؟
اول اعراض مرض التصلب المتعدد
الهجمه الكاذبة مرض التصلب المتعدد
هل التصلب المتعدد خطير
غباش وعدم وضوح الرؤية
اول اعراض مرض التصلب اللويحي
كم يوم تستمر هجمة التصلب المتعدد
اعراض هجمات التصلب المتعدد
اعراض التصلب اللويحي في العين
هل عندي هجمة تصلب متعدد
انواع هجمات مرض التصلب المتعدد
اعراض التصلب المتعدد اليوميه
هجمة التهاب العصب البصري
هل الدوار هجمه
هل التنميل هجمة
تنميل اليد والهجمة
تنميل القدم والهجمة
هل الالم هجمه
هل التنميل هجمه
هل الم العين هجمه ؟
انتكاسة التصلب المتعدد
رعشة اليد
الرعشة والتصلب المتعدد
اعراض انتكاسة التصلب المتعدد #تصلب_متعدد
Comments