أحكام الصيام مع مرض التصلب المتعدد والامراض المناعية المزمنة للمخ والاعصاب

أحكام الصيام مع مرض التصلب المتعدد والامراض المناعية المزمنة للمخ والاعصاب

كل عام وانتم بخير

علشان نعرف حكم الصيام مع المرض المزمن نركز فالقواعد الاتية من القران والسنة :

● قال الله تعالى:

يَـٰٓأَيُّهَا ٱلَّذِينَ ءَامَنُوا۟ كُتِبَ عَلَيْكُمُ ٱلصِّيَامُ كَمَا كُتِبَ عَلَى ٱلَّذِينَ مِن قَبْلِكُمْ لَعَلَّكُمْ تَتَّقُونَ ١٨٣

أَيَّامًۭا مَّعْدُودَٰتٍۢ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍۢ فَعِدَّةٌۭ مِّنْ أَيَّامٍ أُخَرَ ۚ وَعَلَى ٱلَّذِينَ يُطِيقُونَهُۥ فِدْيَةٌۭ طَعَامُ مِسْكِينٍۢ ۖ فَمَن تَطَوَّعَ خَيْرًۭا فَهُوَ خَيْرٌۭ لَّهُۥ ۚ وَأَن تَصُومُوا۟ خَيْرٌۭ لَّكُمْ ۖ إِن كُنتُمْ تَعْلَمُونَ ١٨٤

شَهْرُ رَمَضَانَ ٱلَّذِىٓ أُنزِلَ فِيهِ ٱلْقُرْءَانُ هُدًۭى لِّلنَّاسِ وَبَيِّنَـٰتٍۢ مِّنَ ٱلْهُدَىٰ وَٱلْفُرْقَانِ ۚ فَمَن شَهِدَ مِنكُمُ ٱلشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍۢ فَعِدَّةٌۭ مِّنْ أَيَّامٍ أُخَرَ ۗ يُرِيدُ ٱللَّهُ بِكُمُ ٱلْيُسْرَ وَلَا يُرِيدُ بِكُمُ ٱلْعُسْرَ وَلِتُكْمِلُوا۟ ٱلْعِدَّةَ وَلِتُكَبِّرُوا۟ ٱللَّهَ عَلَىٰ مَا هَدَىٰكُمْ وَلَعَلَّكُمْ تَشْكُرُونَ ١٨٥

[البقرة:١٨٣-١٨٥]

●قول النبي صلى الله عليه وسلم: "إن الله يحب أن تؤتى رخصه كما يحب أن تؤتى عزائمه"

-بالنسبة للتصلب المتعدد المرض بيختلف شدته من مريض لآخر مفيش قاعدة عامة لكل المرضى- غير في بعض الحالات اللي هذكرها

ولكن في قواعد بسيطة و منظمة

مرض التصلب المتعدد مرض مناعي *مزمـــن* والمرضى ممكن نقسمهم درجات

● الدرجة الاولى :

لو المريض مثلا كان في مرحلة ما قبل التصلب المتعدد CIS ، او تصلب متعدد من النوع الانتكاسي المتكرر غير النشط RRMS

وصحته الجسدية كويسة وصام قبل كدا ومحصلوش مشاكل ويقدر يتحمل المشقة عادي بدون مضاعفات للمرض او تغير للادوية اللي بتتاخد على مدار اليوم .

فهنا ممكن نصوم عادي وناخد الاجراءات الوقائية بالسحور كويس و عدم زيادة الاجهاد او التعرض للحرارة الزائدة اللي بتضر المرض وقت الصيام وناخد الدوا المناعي حسب المكتوب لاحقا ، لو مثلا كان في عرض فالنص ادى الى الافطار ممكن نعوض اليوم لاحقا

●الدرجة التانية : لو كان المريض من النوع الانتكاسي المتكرر النشط او عالي النشاط Highly Active MS

او التصلب المتعدد التقدمي الاولي او الثانوي Spms ,PPMS ،

فهو هنا صحته فالاوقات العادية بتحتاج ادوية كتيرة خلال اليوم لتحسين الحركة والمشي والاتزان ومشاكل التحكم فالبول وبيتأثر بالصيام ويؤدي الى ضرر للمريض نتيجة للجهاد وانه مش بياخد ادويته

فهنا يفضل اننا نفطر عشان نستخدم الرخصة اللي ربنا سمحلنا بيها

وفي الحالة دي ليس عليه قضاء ولكن عليه بالاطعام عن كل يوم افطره

(بعض العلماء ومنهم ابن حزم بيقول ان لو كان المريض هيتضرر من الصيام وقرر ان يصوم ممكن يأثم لعدم استخدامه الرخصة اللي ربنا منحها للمريض )

طيب الادوية مع التصلب المتعدد نعمل فيها ايه لو هنصوم :

- الحقن (ريبيف ، أفونكس ،بيتافيرون ) نخلي معادهم بليل عشان نعرف ناخد المسكن قبلها بساعة وبعدها بساعة مع العلم ان الحقن نفسها لاتفطر

-

- الاقراص (دايمثيل فيوماريت زي ماروفاركس ،فيوماروكس،تكفديرا ) ناخدها عالفطار ف وسط الاكل ، وعالسحور ف وسط الاكل عشان اعراض الم المعدة متزيدش

-

-اقراص تريفلوميد (زي اوباجيو ،ترايفلوتكت ، بيكسوناميد) نخلي معادها ف اي وقت بين الفطار والسحور عادي

-مجموعة مستقبلات السفينجوزين (بونفوري، فينجليمود ، جيلينيا ، سفينجمود ، فينجلودين ، ابيكسليمود ،مايزنت )

من دلوقتي ناخر او نقدم مواعيدها ساعة يوميا لحد المعاد المناسب(فالوقت بين الفطار والسحور )

*لو هتاخد اول قرص فينجليمود فالمستشفى صباحا ف كدا كدا هتفطر ملهاش حل تاني* وتصوم يوم مكانه لو هتكمل صيام باقي الشهر

*كلادربين (زي مافنكلاد ) ناخد الاقراص مساءا (لو هنضطر ناخدها صباحا زي مثلا اجراءات خاصة بالمستشفى ممكن نفطر ونعوض اليوم ان شاء الله لو هنكمل صيام )

طيب ادوية التصلب المتعدد اللي بتتعلق فالمستشفى هل بتفطر ولا لا ؟

*الاصل فالمحاليل انها لو كانت للغرض العلاجي فقط وليس للتغذية فانها مش بتفطر اما لو كانت لهدف التغذية ف اكيد بتفطر *

طيب لو المريض اصلا فيوم ما بيعلق الدوا بيبقى تعبان وبيدوخ ولازم يبقى واكل وشارب كويس فيفضل اصلا انه يفطر اليوم اللي هياخد في الحقن ،او يعلق الدوا بعد الفطار

(هيبقى يوم واحد او اتنين بالكتير خلال شهر رمضان اللي هيعمل فيه كدا)

(ودا صعب لان معظم المرضى بيعلقوا الادوية صباحا فالمستشفيات )

مثلا :

-دوا زي التياسبري بيتحط على ١٠٠ محلول ملح (تعتبر نسبة صغيرة والهدف منها العلاج وليس التغذية ) فتعتبر مش بتفطر

-

-الاوكريفس والريتوكسيماب (لو اول جرعة بتتعلق على مرتين بينهم اسبوعين ،لو جرعة كل ٦ اشهر ف هتبقى ف يوم واحد)

الحقنة قبلها بناخد محلول مضاد حساسية ،ودوا للمعدة ومسكن وجرعة كورتيزون بسيطة ،والدوا بيتعلق على محلول ملح

برضه الهدف العلاج وليس التغذية فتعتبر مش بتفطر

* و لكــــــــن يفضل للمريض يكون في حالة صحية جيدة وهو بيعلق الادوية فيفضل يستخدم الرخصة ويفطر * ويصوم يوم مكانه بعد كدا لو كان قادر يصوم باقي الشهر

- السوليمدرول (خصوصا انها ممكن تتعلق على محلول جلوكوز )

برضه الهدف منها العلاج وليس التغذية (المريض بياخدها عشان الكورتيزون بغرض العلاج وليس التغذية )

- ولكــــــــن (المريض اللي بيعلق كورتيزون يعتبر في حالة حرجة وعنده هجمة فلازم يفطر ويستخدم الرخصة عشان حالته الجسدية متدهورش مع الهجمة وعشان ميحصلوش مضاعفات اثناء تعليق الدوا زي الهبوط الحاد

-

-

طيب مرضى الامراض المناعية زي

-التهاب العصب البصري NMO ,Mo gad

ينطبق عليهم نفس قواعد التصلب من حيث المقدرة على تحمل مشقة الصيام او لا ، ومن حيث اعتمادهم على الادوية اليومية في تحسين حالتهم

-مرضى وهن العضلات :

يفضل عدم الصيام لأن الادوية بتتاخد على مدار اليوم لو اتاخرت مواعيدها المريض بيتعب ف دا بيتعارض مع شرط الصيام

وكمان الحالة بتتأثر بالارهاق والمجهود فيفضل منصومش و نستخدم الرخصة ونعوض ايام الافطار بالاطعام الصيام ومرض التصلب المتعدد الصيام والامراض المناعي المزمنة هل مريض التصلب المتعدد يصوم حكم صيام مريض التصلب المتعدد حكم صيام مريض وهن العضلات حكم صيام مريض التصلب اللويحي

أحكام الصيام مع مرض التصلب المتعدد والامراض المناعية المزمنة للمخ والاعصاب