اشهر الاعراض الجانبية المعروفة لادوية التصلب المتعدد وازاي نتخطاها ؟
- Dr Abdelrahman Mohamed
- Sep 12, 2025
- 3 min read
Updated: Oct 8, 2025
ايوة في بعض الادوية ممكن تعمل اعراض جانبية
بعضها مؤقت وبسيط وتختفي وبعضها دائم عشان مندفنش راسنا فالرمل
و فايدة الدوا للمناعة اكبر بكتير من الاعراض الجانبية عشان كدا لازم نستمر عليه ونتعلم ازاي نتعامل معاها (مش نهرب منها ) ونعرفها عشان لو ظهرت اعراض مختلفة ننبه الطبيب المعالج ليها او لو اعراض مزعجة تستحق تغيير العلاج المناعي
-مش شرط كل الاعراض تظهر لكن دي اشهر الاعراض والأكثر شكوى من المرضى
ولو حد عنده طرق اخرى افادته في مواجهة الاعراض الجانبية ممكن يرشحها برضه
اشهر الاعراض الجانبية انه بيعمل اعراض زي نزلة برد وهمدان وقت الحقنة لحد بعدها بكام ساعة
ازاي نتغلب عليها ؟؟
نشرب سوايل كتير ونستريح
ناخد مسكن او خافض حرارة قبل وبعد الحقنة (بنادول /بروفين )
ناخد الحقنة كل مرة ف مكان مختلف (تحت الجلد)
ناخد الحقنة بالقلم المخصص ليها (من خلال برنامج دعم الدوا /معاك فالرحلة (او معاك فالحقنة )
ندهن هيموكلار مكان الحقن
يفضل ناخد الحقنة بليل عشان معظم الاعراض الجانبية تحصل فساعات النوم وتتحسن عالصبح
فبداية اخد الحقنة
ممكن ناخد ربعها ٣ مرات فالاسبوع الاول وبعد كدا ناخد نصها لمدة اسبوع كمان
ثم ٣ /٤ لمدة اسبوع ثم كلها باستمرار
--‐-----------
الافونكس
صحيح هي حقنة واحدة فالاسبوع بس ممكن تعمل اعراض جانبية كتير
زي نزلة البرد (ارتفاع فالحرارة وتكسير فالجسم بيقعد ساعات بعد الحقنة
لحد يوم كامل )
ازاي نتغلب عليها؟
نشرب سوايل كتير ونستريح بعدها
ناخد مسكن او خافض حرارة قبل وبعد الحقنة (بنادول /بروفين )
ناخد الحقنة كل مرة ف مكان مختلف (عضل امامي بس زي اللي فالصور )
بعض المرضى بيفضل ياخدها ف يوم اجازة الخميس بليل مثلا عشان معظم الاعراض الجانبية تحصل بليل وتتحسن عالصبح
فبداية اخد الحقنة
ممكن ناخد ربعها بس اول اسبوع
نصها تاني اسبوع
٣/٤ تالت اسبوع ورابع اسبوع ناخدها كاملة
--------------
بنبتديه ب جرعة ١٢٠ فالاول بعد كدا جرعة ٢٤٠ مرتين فاليوم عشان نتجنب الاعراض الحانبية
من اشهر الاعراض اللي بتحصل معاه
الم المعدة احساس بالقئ او الاسهال (عشان كدا لازم ناخده ف وسط الاكل خاصة الاكل اللي فيه دهون )
وممكن ناخد دوا مضاد للحموضة قبله او دوا للاعراض بشكل عادي
احمرار الجلد (احساس الصهد) بناخد قرص اسبرين او اتنين قبل الجرعة ب نصف ساعة عشان نتجنب الاعراض
----------
من اشهر الاعراض اللي ممكن تحصل معاه
الصداع ممكن يحصل فالاول ويتحسن مع الوقت وناخد مسكن وقت اللزوم للاعراض
,مشاكل المعده(الاسهال ،احساس القئ) ممكن ناخد ادوية مضادة للترجيع او الم المعدة
تساقط الشعر (ممكن يحصل بشكل مؤقت فالاول او بشكل دائم طول استمرار العلاج)
وطبعا الدوا مش بيتاخد وفي تخطيط للحمل سواء للذكور او الاناث لازم يتسحب من الجسم اولا بالفوار الخاص بسحب الدواء على مدار ١١ يوم
-------
من اشهر الاعراض تباطئ ضربات القلب مع الجرعة الاولي عشان كدا بنعمل رسم قلب وايكو قبله و بناخد الجرعة تحت اشراف طبي فالمستشفى مع متابعة ضربات القلب لمدة ٦ ساعات عالاقل
ويفضل ناخد الجرعة ف معاد ثابت يوميا لو هنغير معادها ناخر او نقدم ساعة يوميا لحد ماييجي المعاد المناسب يوميا
-سعات تحصل اعراض صداع او إرهاق ف اول كام يوم من الدوا وبناخد ساعتها المسكن ولو حصلت اعراض زيادة فالقلب ممكن نكشف مرة اخرى عند طبيب القلب لتقييم الوضع
نفس الاعراض ممكن تحصل معاه المايزنت بس مش بيحتاج ناخد اول جرعة فالمستشفى
--------
حقنة بتتاخد على محلول ١٠٠ سم ملح على مدار ساعة
مش مشهور اعراض جانبية وقت الحقن بس لو ظهرت حساسية ممكن ناخد مضاد للحساسية معاها عادي
---------
اول جرعة بتتاخد متقسمة على مرتين بينهم اسبوعين
لازم ناخدها بالتدريج بالطريقة المذكورة فالمقاله دي
ادوية ماقبل التعليق اولا (بتحتوي على مضاد حساسية و كورتيزون بنسبة صغيرة وخافض للحرارة ودواء للمعدة )
ثم الدواء نفسه بالجدول الزمني المحدد (مرفق بالصور) عشان متحصلش اعراض جانبية اثناء الحقن ولو ظهرت ممكن ناخد مسكن او مضاد حساسية مرة اخرى
ممكن تاني يوم بعد الحقنة يبقى في اعراض صداع او تكسير وساعتها هناخد مسكن للاعراض عادي
ونكرر الجرعة تاني بعد اسبوعين
---------
اول جرعة لو واحد جرام كامل بتتاخد متقسمة على مرتين بينهم اسبوعين
لازم ناخدها بالتدريج بالطريقة المذكورة
ادوية ماقبل التعليق اولا (بتحتوي على مضاد حساسية و كورتيزون بنسبة صغيرة وخافض للحرارة ودواء للمعدة )
ثم الدواء نفسه نلتزم بالجدول الزمني المحدد(مرفق بالصور) عشان متحصلش اعراض جانبية اثناء الحقن ولو ظهرت ممكن ناخد مسكن او مضاد حساسية مرة اخرى
ممكن تاني يوم بعد الحقنة يبقى في اعراض صداع او تكسير وساعتها هناخد مسكن للاعراض عادي
الاعراض الجانبية المعروفة لادوية التصلب المتعدد
Comments