التهاب الاعصاب الطرفية المزمن CIDP تشخيصه وعلاجه
- Dr Abdelrahman Mohamed
- Jan 5
- 2 min read
التهاب الاعصاب الطرفية المزمن المزيل للمايلين
CIDP,
هو مرض مناعي مزمن بيحصل فيه تاكل لطبقة المايلين للاعصاب الطرفية
وبنقسمه لنوعين
●التهاب الاعصاب الطرفي التقليدي
اعراضه بتبقى فيها ضعف فالعضلات ومشاكل فالاحساس زي التنميل او التخدير في الاعصاب في الاطراف العلوية او السفلية غالبا متساوي في طرفين منهم (المريض بيحس كانه بيمشي على قطن او مخده)
ودا ممكن يعمل مشاكل فالمشي والحركة خصوصا مع سقوط القدم
والاعراض ممكن تبقى تقدميه و بتزيد مع الوقت فخلال ٨ اسابيع (هنتطا بيتشابه شوية مع مرض جيليان باريه GBs)
او الاعراض بتزيد وترجع تتحسن على هيئة هجمات (ودا مش بيحصل ف جيليان باريه)
●التهاب الاعصاب الغير تقليدي
ممكن يحصل فالاطراف السفلية بس او يحصل بشكل غير متساوي فالاطراف
وممكن يبقى نوع حركي بس في تاثير فالعضلات بس مفيش مشكلة فالاحساس
او نوع حسي مفيهوش مشكلة فالعضلات بس في مشكلة فالاحساس واللي بتعمل مشاكل فالحركة والاتزان
■الفحوصات للتشخيص:
●رسم اعصاب اهم فحص وبيوضح فيه مشاكل فنقل الاشارات العصبية على الاقل في عصبين نتيجة لتاكل فطبقه المايلين
وبيبان فرسم الاعصاب بطء الاشارة العصبية وقلة سرعتها نتيجة للاصابة فالعصب(ابطء ب ٥٠%من الطبيعي فالاطراف العلوية وابطء ب ٣٠%فالاطراف السفلية ) ،غياب موجه F من الاعصاب ف عصبين
وبشرط انه ميكنش البطء دا بسبب حاجة تانية زي مثلا اختناق الاعصاب
●فحوصات مساعدة لو كانت الاعراض مش تقليدية
زي فحص السكر التراكمي ،نسبة فيتامين ب فالدم ،الغدة الدرقية
فحص الاعصاب بالسونار ،رسم العضلات او تحليل عينة من العصب نفسه
و (بذل النخاع الشوكي)
■العلاج
اثناء الهجمة
●جرعات كورتيزون (سوليمدرول ) ثم سحبها باقراص سوليبريد عل. فترة طويلة
●الاجسام المناعية المضادة IVIG-بجرعة ٢ جم لكيلو متقسمة على ٥ ايام
وممكن المريض ياخدها كل ٦ شهور للوقاية
●فصل البلازما لو مفيش استجابة من الكورتيزون -او لو كان النوع اقرب لGBS
■علاج وقائي
بالعلاج مناعي زي
-ريتوكسيماب
-اندوكسان
-سيلسبت
-اميوران
●علاج لاعراض الالم :
زي الجابانتن ، بريجابلين ،تريبتزول
والعلاج الطبيعي التاهيلي مهم لتحسيين اعراض الحركة والمشي .
التهاب الاعصاب الطرفية المزمن CIDP تشخيصه وعلاجه
Comments