الدوخة وعدم الاتزان ازاي نشخصها ونعالجها صح ؟

الدوخة وعدم الاتزان ازاي نشخصها ونعالجها صح

من الاعراض المزعجة اللي ممكن تاثر على مريض الms هي مشكلة الدوخة والدوار اللي بياثر عالتوازن والحركة و لما بتصل بنتلخبط مبنبقاش نكشف ايه هل من الms ولا من الاذن الداخليه

وكتير من المرضى بياخد ادوية مضادة للدوار زي بيتاسيرك وسيرفتام بجرعات كبيرة وبرضه الاعراض بتفضل موجودة مش بتتحسن

ازاي نوصل للتشخيص بسهوله ونعرف نكشف ايه ؟؟

-اول سؤال نساله هل الدوار دا بيجي ف نوبات ولا مستمر

-لو ف نوبات

(كدا ماشيين ف طريق الانف والاذن و طريق السمعيات ودول تخصصين مختلفين )

طيب لو النوبات بتحصل غالبا مع الحركة يعني واحنا ثابتين الدنيا كويسة اول ما نحرك راسنا الدنيا بتبتدي تلف حوالينا كان الاوضة بتلف ف دواير وتحصل نوبات الدوخة واللي ممكن يحصل معاها ترجيع

-(كدا احتمال كبير تكون في دوار حركي موضعي حميد Benign Paroxysmal positonal Vertigo نكشف ساعتها ((سمعيات)) عشان الدكتور يعمل بعض الاختبارات اللي بتاكد التشخيص اللي غالبا بسبب مشاكل فالاذن الداخلية والكريستالات اللي جواها اللي زي السينسور اللي بيحسسنا بالتوازن بتكون اتحركت من مكانها وممكن ساعتها الدكتور يعمل تمرين بسيط يرجعها تاني لمكانها )

-او تكون بسبب انخفاض الضغط المفاجئ اثناء الحركة Orthostatic Hypotension

يعني المريض لو كان نايم او قاعد ووقف مرة واحدة الدم القلب مش بيلحق يضخ الدم للجزء العلوي من الجسم فبيسبب دوخة او فقدان فالوعي او احساس الدنيا بتسود للحظة وساعتها لازم نعالج انخفاض الضغط ونمارس تمارين لتحسين الدورة الدموية فالجسم وتجنب الحركة من وضع ل وضع فجاة

-------

طيب لو الاعراض بتحصل على هيئة نوبات بس لوحدها من غير ما الحركة تخليها تبدا

ساعتها لو في

- فقدان سمع بنكشف انف واذن (لاستبعاد مرضmeniere) او برضه لو معاها صداع مزمن بنكشف مخ واعصاب

-لو بتحصل مع نوبات الخوف والهلع Panic attaсks بنكشف طب نفسي عشان ناخد ادوية تحسن النوبات دي

---------------

طيب لو الدوخة مستمرة علطووووول مش ف شكل نوبات

-بنشوف هل في ادوية بناخدها ممكن بتسبب الدوار دا زي

(باسط العضلات المركزي سيردالود او باكلوفن ،الادوية اللي بتنظم ضربات القلب وادوية الضغط، الادوية مضادات الصرع. زي جابتن ، ادوية الحساسية ،الادوية اللي بتنيم ) ونوقف الادوية دي

- لو مفيش ادوية كانت سبب والدوخة موجودة بنشوف هل في رارة بتحصل فالعين ونشوف اتجاه العين (العين بتتحرك فاتجاه واحد متكرر) يبقى كدا غالبا التهاب فالعصب السمعي غالبا بيبقى التهاب فيروسي نكشف انف واذن ونعالجه

-

-لو حركة العين رارة العين كانت بالطول وكانت العين فيها بتتحرك باستمرار رايح جاي

كدا السبب مركزي من المخ نستبعد الاسباب اللي من المخ زي بؤر جزع المخ او بؤر المخيخ او الصداع النصفي المزمن او الجلطات

وساعتها بناخد ادوية للاعراض زي :

-مضادات الدوار

-مضادات الترجيع

-كورتيزون لو كانت الاعراض ضمن هجمة حديثة في غياب اي سبب تاني

-علاج طبيعي لتحسين التوازن والحركة

وممكن نعمل فحوصات تاكيدية مع طبيب السمعيات زي

مقياس السمع واختبارات التوازن واختبارت العصب السمعي الدوخة وعدم الاتزان ازاي نشخصها ونعالجها صح ؟

الدوخة وعدم الاتزان ازاي نشخصها ونعالجها صح ؟