طريقة صرف العلاج المناعي مجانا للعاملين في القطاع الخاص
- Dr Abdelrahman Mohamed
- 4 days ago
- 1 min read
طريقة صرف العلاج المناعي مجانا للعاملين في القطاع الخاص
لو مريض التصلب المتعدد و اي مرض مناعي كان مؤمن عليه ولاينطبق عليه شروط صرف العلاج من نفقة الدولة
اول حاجة يعملها يسال في الشغل عن طبيعة التامين الطبي الخاص بيه وشروط التعاقد
لو كانوا مثلا متعاقدين مع شركات تامين خاصة زي اكسا او ميد جلوب او ميت لايف
يطلب يعرف هل التامين الصحي بيغطي قيمة تكلفة الدوا المناعي المطلوب ولا
لو بيغطيه بنسبه كامله يقدر يصرفه تبع الصيدليات التابعة للتامين وبياخد الدوا من هناك
لو التامين بيغطي نسبه بس من تكلفة الدوا ، بنصرف الدوا حسب المبلغ اللي بيغطيه والمريض بيدفع التكملة على حسابه
طيب لو التامين الخاص كان مش بيغطي تكلفة الدوا المناعي نعمل ايه ؟
نسال فالشغل هل عاملين تنازل للتامين الصحي الحكومي ولا لا
لو مش عاملين تنازل للتامين الصحي الحكومي ، بنطلب سعتها نستخرج بطاقة التامين الطبي الخضرا ونطلب نكشف ف اقرب مستشفى تابعين ليه ومن هناك ب نطلب نتعرض على اقرب لجنة التصلب المتعدد التابع ليها ومن هناك بناخد الدوا
طيب لو عاملين تنازل عن التامين الصحي الحكومي
ساعتها بناخد تقرير من شركة التامين الخاصة انها مش بتغطي تكلفة الدوا ونختمها المناعي ونقدر سعتها نقدم على قرار نفقة الدولة حسب الخطوات اللي هنا
Comments