عمل قرار نفقة الدولة التصلب المتعدد

ازاي بيتم عمل قرار نفقة الدولة التصلب المتعدد ؟ قرار النفقة بيطلع لو مش متامن علينا طبياً فاي جهه اخرى

(المدارس بيتامن عليها تبع التامين الصحي الحكومي و بعض الجامعات بتامن عالطلبة اللي فيها . الشغل لو حكومي تبع التامين الصحي الحكومي لو شغل خاص بيبقى في تامين تبعه ولو التامين مش بيغطي قرار الدوا بناخد ورقه منهم ب كدا ونقدم فالنفقه ) بنقدم صور بطاقه وش و ضهر فنفس الصفحه أخر اشعة رنين عالمخ والفقرات(ميكونش عدا عليها 6 شهور ) فحوصات بتساعد ع التشخيص (زي البذل ) الفحوصات الخاصة بالدوا نفسه في حالة ان البطاقه كان مكتوب فيها مهنه او طالب عشان القرار ميترفضش نعمل برنت تامين اجتماعي من اي منقذ تامينات - ناخد البرنت الاجتماعي وصور بطاقه ونستخرح برنت تامين طبي بالكمبيوتر (مكتوب ان المذكور غير خاضع للتامين الصحي ) حسب منطقة السكن - نقدم الورق كله (و ناخد نسخه من اي ورقه هنقدمها خصوصا البذل عشان سعات الورق بيضيع ) نتابع عالموقع صدور القرار بعد حوالي اسبوعين https://smc.smcegy.com/SMCPortal لو لينا عرض فاللجنة الطبية العليا لادوية (أوكريفس - تيسابري - مافنكلاد ) بنروح المجالس الطبية فالحي السادس مدينة نصر - https://maps.app.goo.gl/e7YxYWBkAeL8ZzZ57 ونتابع القرار عالموقع بعد الكشف

عمل قرار نفقة الدولة التصلب المتعدد