مرض وهن العضلات تشخيصه وعلاجه

مرض وهن العضلات هو مرض مناعي مزمن بيحصل فيه وجود اجسام مناعية بتأثر على وصول الناقلات العصبية للمستقبلات بتاعتها فبيحصل خلل في حركة العضلات الارادية

ودا بيؤدي الى

ضعف العضلات المتزايد خلال اليوم غالبا يصيب عضلات العين (يعتبر العرض الاكثر انتشار فبداية الاعراض وبيسبب ازدواجيه فالرؤية او سقوط فالجفن وفي نوع بيبقى الوهن فالعين بس مش باقي العضلات بس ممكن يتطور ويشمل باقي العضلات )

ضعف عضلات البلع (مشكلة فالبلع زي شرقه وبحة الصوت وصعوبة الكلام)

ضعف عضلات الاطراف (غالبا الاطراف العلوية اكتر من السفلية والعضلات القريبة من الجسم اكتر من البعيده )

التشخيص

من الكشف والتاريخ المرضي بوجود ضعف فالعضلات

تحليل anti -AcetylCholine ab ايجابي

او لو سلبي نعمل

تحليل anti-Musk ab ايجابي

ىسم الاعصاب (repetitive nerve condction)

رسم العضلات (single fiber emg

(من الحجات الدقيقة اللي بيظهر فيها

عدم وجود اشارة عصبية فالعضلاتاو ضعف فالعضلات بيزيد طول وقت الاختيار

هجمة وهن العضلات myathenic crisis

بتزيد فيها الاعراض وممكن تؤدي الى ضعف عضلات التنفس وزيادة مشاكل البلع زي الشرقه وصعوبة الكلام ويفضل ساعتها نتحجز فالمستشفى عشان نراقب وظايف التنفس كويس ونعالج الاعراض المصاحبة زي الالتهاب الرئوي او العدوى

وممكن ساعتها نبتدي

عمل جلسات فصل البلازما

او ivig

علاج مستمر

بنبتدي الاول العلاج الاساسي

-الاساسي بيردوستيجمين (ميستينون)

ببتدي بجرعة صغيرة نص قرص تركيز ٦٠ - ٣ او اربع مرات يومية

ونزود الجرعةنص قرص لحد ما نوصل للجرعة اللي بيحصل عليها التحسن المطلوب

لو مفيش تحسن نبتدي نضيف

كورتيزون اقراص (بردنزيلون(سوليبريد) فقط بطريقة تصاعدية لمدة شهر ثم نقلله برضه تدريجيا (بنقلل ٥ مجم كل اسبوعين )

مينفعش سوليمدرول

-ازاثيوبرين (اميوران)

-سيلسبت ٥٠٠ (ميكوفينولات موفيتيل )

لو مفيش تحسن ممكن نضيف ادوية مناعية زي

-ريتوكسيماب

- ميثوتريكسيت

•ازالة الغدة الزعترية thymectomy اللي مسئولة عن انتاج الاجسام المناعية المضادة لمستقبلات الاستيل كولين المسببة لوهن العضلات

بيحصل لو عملنا اشعة مقطعية للصدر وكان فيها تضخم فيها او وجود تحليل Ach ab ايجابي او لو مش متضخمة بس المرض موجود اكتر من سنتين

ومع ازالتها برضه بنكمل على باقي الخطة العلاجية عادي

•بعض الادوية بتزود الوهن زي ادوية الضغط (من نوع beta blockers او calcium channel blocker) او مضادات حيوية من نوع

Macrolides -fluroquinolone-aminoglycosides

فنخلي بالنا من استخدام الادوية دي مع وهن العضلات مرض وهن العضلات تشخيصه وعلاجه

مرض وهن العضلات تشخيصه وعلاجه