التغلب على الارهاق مع التصلب المتعدد والامراض المناعية

ازاي نتغلب على الارهاق والاجهاد اللي بيحصل مع التصلب المتعدد ؟؟

80 % من مرضى التصلب المتعدد ممكن يعانوا يوميا من الارهاق والاحساس بتناقص المجهود

على الرغم من ان معظم الناس بتفتكره ارهاق زي ارهاق عادي

لكنه بيتميز انه :

ممكن مش بس يكون ارهاق عضلي لا بيصاحبه ارهاق ذهني وضبابية فالتفكير

ممكن يحصل كل يوم (فاكتر من ٥٠%من اليوم نفسه ) وبوتيرة متزايده

ممكن يحصل الصبح حتى بعد نوم كويس

ممكن يحصل فجاة

وبيأثر على الحياة اليومية والتركيز

ممكن يكون مصاحبه الم

ممكن يصاحبه امراض تانيه زي الفايبروميالجيا

طب ازاي نتغلب على الارهاق المزمن ؟

- تظبيط نمط الحياة بتاعنا عشان يناسب مجهودنا يعني نرتب اليوم (نعمل الحجات الاساسية بنظام وبطريقة مفيهاش تحميل عالي ) نتجنب النشاطات المضيعة للطاقة والوقت خصوصا ف اول اليوم نتجنب الاحتراق الحراري والتعرض للشمس

- التمارين بانتظام مهم جدا لتقوية العضلات وكمان العلاج الطبيعي مهم جدا

-تفريغ الضغط والتوتر العصبي اول باول . سواء بمتابعة المشاعر اليومية وكتابتها او الحكي عها او بعمل انشطة بسيطة مريحة للاعصاب وبتفرحنا او بالادوية اللي بتحسن التوتر

- التغذية الصح مهمه جدا لتحسين طاقة الجسم (نتجنب السكريات والنشويات اللي بتزود السكر بسرعه وتقل بعده مرة واحدة فيزيد الارهاق )

اعرف اكتر عن التغذية هنا

- لو في اسباب ثانوية واضحة للارهاق زي مثلا الانيميا او نقص فيتامين دال او مشاكل الغدد زي كسل الغدة الدرقية نعالجها

- الحفاظ على ساعات نوم كويسة لمساعدة الجسم على الاستعداد لليوم اللي بعده

-ناخد الفيتامينات بانتظام لو فيها نقص اهمها فيتامين دال و بيوتين و ثيوتاسيد كمبوند

- نتاكد اننا بناخد دوا مناعي مناسب للحالة عشان اعراض الms متزيدش او يتحول لنوع اخر زي التقدمي الثانوي

- بعض الادوية ممكن تحسن فتحسين الشعور بالارهاق زي

• بي ك ميرز

• مودافينيل (خصوصا لو في مشكلة نوم متواصل)

• دالفاروزيس ١٠ كل ١٢ساعة (خصوصا لو في مشكلة فالحركة )

شاركوا فالكومنتات ازاي بتحاربوا الارهاق

الارهاق والتصلب المتعدد