مرض موجاد MOGAD

Dr Abdelrahman Mohamed
Oct 7, 2025
2 min read

Updated: Oct 8, 2025

طريقة تشخيص مرض mogad موجاد , وما الفرق بينه وبين مرض التهاب النخاع الشوكي والتصلب المتعدد ؟

من الامراض المناعية للجهاز العصبي المشابه لمرض التهاب النخاع والعصب الشوكي NMO

ممكن يحصل كهجمة واحدة ل ٥٠% من الناس او بطريقة متكررة فالهجمات للباقي

عشان نشخصه محتاجين

-وجود هجمة ناتجه عن تاكل ف غشاء المايلين (زي هجمات التهاب العصب البصري اللي بيحصل فيهة ضبابية فالرؤيه او مشاكل الحركة وعدم الاتزان او مشاكل التحكم في البول )

-اختبار MOG igG ايجابي

الاختبار الادق للمرض اللي بنطلبه اسمه

MOG ab (cell based assay)

والاختبار عشان يكون دقيق لازم نسحبه قبل بدا علاج للاعراض زي الكورتيزون

او لو اخدنا كورتيزون نعيده بعد ٣ شهور

-استبعاد سبب اخر للهجمه زي ال ms او التهاب النخاع والعصب البصري nmo

اعرف اكتر عن تشخيص ال ms من هنا

وتشخيص NMO من هنا

الmogad بيحصل معاه

•هجمات على العين (التهاب العصب البصري )

بيحصل اكتر فالعينتين وممكن لو عملنا رنين عالعين يبان الالتهاب فالاشعه فالعصب البصري الجزء المغذي للعين (الجزء الامامي ) بيتاثر اكتر من ٥٠% من العصب البصري

•التهاب في النخاع الشوكي في الغالب بتكون (قطعه بيضه طويله فالنخاع الشوكي واخدة مساحة ٣ فقرات ) بتكون اكتر فالفقرات القطنية

او لو بؤر صغيرة لو اخدنا مقطع بالعرض فالنخاع هتعمل زي حرف H

والبؤر دي بتعمل هجمات بتاثر على الحركة او الاحساس او التحكم في البول

•بؤر فالمخ او جذع المخ

مختلفة عن البؤر المميزة للms بشكلها و بتكون اكتر ف جذع المخ او المخيخ

وسعات بتكون بؤر كبيرة متشابكة (اكتر من بؤرة جمب بعض )

كمان البؤر الكبيره ممكن تتحسن بشكل ملحوظ فالاشعه بعد مناخد الكورتيزون

لو عدناه تاني

العلاج :

كورتيزون في وقت حدوث الهجمات ممكن ٥ جرعات (ونقلل الكورتيزون بالتدريج بعدها على مدار ٣ شهور )

لو متحسنتش ممكن نعمل جلسات فصل بلازما

علاج مناعي مستمر (في النوع المتكرر )