مرض ادم ADEM وطريقة تشخيصه

ما هو مرض ادم ADEM و طريقة تشخيصه ؟

مرض ادم ADEM

هو مرض مناعي بيظهر فيه بشكل حاد التهاب فالمخ و تاكل فالمايلين وظهور (بؤر بيضا فالمخ كبيرة فالحجم) بيبصيب غالبا الاطفال و السن الصغير بشكل حاد

بعد حدوث عدوى (غالبا فيروسيه) قوية او بعد تطعيم وبيعمل اعراض عصبيه مختلفة ف نفس الوقت

بعض المرضى بيختبروا حدوث الاعراض مرة واحدة (كانها هجمه واحدة بس ) (معظم المرضى)

والبعض بيحصله هجمات اخرى متتالية او جزء من مرض مناعي تاني زي ms او nmo اوmogad

بنشخص المرض

-لو ظهرت اعراض عصبيه مختلفه و بؤر كبيرة فالحجم فالمخ بعد عدوى غالبا فيروسية زي

Cytomegalo virus -epistein barr virus -herpes

-مع العدوى بيحصل اعراض مركزية من الجسم نفسه اضطراب فالوعي او الادراك ،ارهاق و صداع وممكن نوبات تشنجات(في تلت المرضى ) وعدم اتزان وصعوبة بالحركة وصعوبه بالكلام

عكس الms بتبقى غالبا الهجمات ف حاجة واحدة زي مثلا ضبابية العين او عدم الاتزان

-بؤر كبيرة جدا فالمخ فالمادة البيضا اكبر من ١ ل ٢ سم (غير شكل بؤر الms الصغيرة باماكنها المميزة) وسعات بتكون موجودة فالنخاع الشوكي

وبغياب وجود اعراض تانية بعد التشخيص ب ٣ شهور

-البذل بنطلب تحليل الخلايا و oligoclonal band عشان نستبعد الms

تحليل الخلايا بتبين زيادة البروتين وزيادة الlymphocytes

والoligoclonal band

لو ادم بتبقى سلبي او من النوع الرابع سلبي برضه

لو ms بتبقى ايجابي اكتر من خليتين

اعرف اكتر عن نتيجة البذل هنا

مهم جدا لو حد جاله adem

-نستبعد مرضMogad خصوصا فالاطفال(نص الاطفال المصابين ب ادم بيكون عندهم موجاد ايجابي ) بنعمل التحليل بتاعه وهو الnmo aquaporin 4 قبل ما ناخد الكورتيزون

تشخيصه من هنا وتشخيص NMO من هنا

-نستبعد تشخيص الms -٣٥% من الحالات ممكن تبقى ms

اعرف عن تشخيص ال ms هنا

وبنقيم الحالات تاني بعد ٣ شهور وبنعمل رنين جديد عشان نشوف هل

في هجمات تانية ظهرت للمرض او بؤر جديدة او تطور ل ms او nmo او mogad

معظم بؤر ادم ممكن تتحسن فخلال سنة ونص من اول رنين

العلاج

علاج الهجمة

-علاج العدوى وعلاج الاعراض (زي مضادات الفيروسات)

-علاج الهجمه نفسها ب كورتيزون وريد سوليمدرول لمدة من ٣ ل ٥ ايام وبعدها ناخد اقراص سوليبريد بشكل تدريجي

-ivig لو الاعراض متحسنتش بالكورتيزون

-فصل بلازما لو الاعراض حادة وقوية مستجابتش للكورتيزون

العلاج الوقائي

-بنحتاج علاج مناعي مستمر لو المرض كان مقدمة للms

يفضل نستخدم ادوية عالية الكفاءة زي تيسابري ،اوكريفس او ريتوكسيماب

لو موجاد او nmo بنستخدم ريتوكسيماب

الخلاصة لو في بؤر كبيرة فالمخ بعد عدوى فيروسية بنعمل الرنين والبذل عشان ناكد التشخيص وبناخد كورتيزون لعلاج الهجمة الحادة

بؤر مرض ادم

مرض ادم ADEM وطريقة تشخيصه